06/02/2014 12:46:20

Tom Cruise paditet me 1 miliard dollarë

Pretendohet se ka vjedhur skenarin e filmit : Mision i Pamundur (Ghost Protocol (2011)

HermesNews - Aktori dhe producenti amerikan Tom Cruise i nominuar tri herë në Academy Awards me tre çmime Golden Globe e nisi karrierën e tij në moshën 19 vjeçare në vitin 1981 në filmin “Endless Love”. Por Cruise fitoi famë pas rolit te tij në filmin Top Gun (1986). Ai është i njohur për rolin e Ethan Hunt një agjenti sekret , në filmin “Mision i Pamundur” me disa seri midis viteve 1996 dhe 2011. Dy muaj më parë aktori 51 – vjeçar pagoi 50 milionë dollarë për padinë kundër Bauer Media (botuesi i revistës Life&Style ), për shpifje kur shkruante se aktori Tom Cruise e kishte braktisur vajzën e tij Suri.

Por duket se tabelat ligjore tani janë kthyer kundër aktorit. Ylli i kinematografisë është paditur, për rolin e tij si, Ethan Hunt i cili portretizon personazhin e famshëm të veprimit . Timothy Patrick McLanahan ka paditur Tom Cruise , Brad Grey Paramount Pictures, Skydance Pictures, Cruise / Wagner Productions dhe të tjerë, për shkeljen e të drejtes së autorit, pasi pretendon se kanë vjedhur idenë dhe skenarin e tij për filmin, Mision i Pamundur (Ghost Protocol (2011). Sipas dokumenteve ligjore të marra nga revista “ E! News” , McLanahan thotë se, ai e shkroi skenarin e filmit në vitin 1998 të titulluar “Head On”, të cilin më pas e dërgoi në agjencinë e William Morris . Ai pretendon se skenari është marrë nga CCA (Agjencia e Artistëve Krijues) pa dijeninë e tij dhe i është treguar agjentit të aktorit Cruise . McLanahan thotë se kur pa filmin Mision i Pamundur (Ghost Protocol ) ai e njohu menjëherë skenarin e tij i cili ishte shkruar në mënyrë të paligjshme. Gjatë gjyqit, ai nuk përmendi asnjë shembull të ngjashëm me filmin e tij. Avokati i Cruise, Bert Fields , nuk i është përgjigjur ende kërkesës për koment të revistës “ E! News “. Na ndiqni dhe në Facebook dhe Twitter

HermesNews ©2014

Dërgo me email | Stampo artikullin